طاقتور طوفان سے شخص ہوا میں اُڑ گیا، ویڈیو وائرل

بھارت کی ریاست اتر پردیش کے ضلع بریلی میں ایک حیران کن واقعہ سامنے آیا جہاں ایک شخص طاقتور طوفان کے دوران فضا میں اُڑ گیا، جس کی ویڈیو سوشل میڈیا پر تیزی سے وائرل ہو رہی ہے۔

رپورٹس کے مطابق ننھے میاں نامی شخص 13 مئی کو گاؤں بمیانہ میں ٹین سے بنے شیڈ کی رسی کو پکڑے ہوئے تھا تاکہ خود کو محفوظ رکھ سکے۔

تاہم تیز اور شدید ہواؤں نے شیڈ سمیت اسے بھی ہوا میں اُٹھا لیا، جس کے نتیجے میں وہ چند لمحوں کے لیے فضا میں معلق رہا۔

A dramatic video from UP’s Bareilly has surfaced, showing a man being violently tossed several feet into the air by powerful winds during a severe storm. Clinging desperately to a tin shade, the victim was suddenly hurled skyward before crashing back to the ground. pic.twitter.com/23InPSYN4f

— Piyush Rai (@PiyushRaiUP65) May 14, 2026

ننھے میاں کے مطابق وہ تقریباً 30 سے 40 فٹ کی بلندی تک جا پہنچا اور پھر لگ بھگ 50 فٹ نیچے زمین پر آ گرا۔

انہوں نے بتایا کہ جس رسی کو انہوں نے سہارا بنایا وہ کمزور نکلی اور طوفانی ہوا کا مقابلہ نہ کر سکی۔

زمین پر گرنے کے باعث وہ شدید زخمی ہوگیا اور اس کی کئی ہڈیاں ٹوٹ گئیں، جس کے بعد اسے فوری طور پر اسپتال منتقل کیا گیا۔

یہ واقعہ اس وقت پیش آیا جب 13 مئی کو ریاست کے مختلف علاقوں میں شدید طوفان آیا، جس کے نتیجے میں کم از کم 89 افراد جاں بحق اور 53 زخمی ہوئے جبکہ درجنوں گھروں کو بھی نقصان پہنچا۔